Бұл авторлық бағдарлама ағылшын тілін оқып-үйрену кезінде әртүрлі тілдік деңгейдегі оқушылардың оқу дағдыларын дамыту жолдарын қарастырады. Оқу дағдысы ағылшын тілін үйренудегі төрт негізгі дағдының бірі болып табылады. Оқу дағдысын жетілдіру оқушылардың мәтінді түсініп қана қоймай, оны талдауға, автордың ойын сыни тұрғыдан қабылдауға, өз ойын академиялық тілде еркін жеткізуге көмектеседі, сөздік қорын байытады, оқу дағдысы арқылы тіл байлығын дамытады. Авторлық бағдарлама оқу дағдысын дамытуда туындайтын кедергілер мен қиындықтарды, оларды жеңу жолдарын анықтайды және белсенді стратегияларға назар аударады.